علاج تساقط الشعر

تساقط الشعر ممكن يكون حالة مؤقتة أو طويلة الأمد. تساقط الشعر المؤقت ممكن يكون من السهل إصلاحه لو عريفتي السبب وتعاملتي معاه . لكن في حالة انك مقدرتيش تعرفي السبب بسرعة العلاج هيكون صعب وممكن يتحول لتساقط مستمر

A-young-woman-removing-ha-007

اسباب تساقط الشعر:

  • الهرمونات: تغير مستوي هرمون الذكورة – التيستوستيرون في الجسم ممكن يؤدي الي تساقط الشعر
  • الجينات: ممكن يكون سبب تساقط الشعر سبب وراثي من الاب او الام
  • الادوية: بعض الادوية ممكن تؤدي الي تساقط الشعر زي الكيموثرابي (العلاج بالكيماوي) , ادوية منع الحمل وكمان بعض ادوية ضغط الدم ممكن تسبب تساقط الشعر
  • الحروق والاصابات: يتساقط الشعر في منطقة الحرق او الجروح, لكن بيرجع يتكون تاني بعد لم الجرح
  • الغذاء: لو بتاكلي وجبات كمية البروتين فيها اقل من المعدل المطلوب ممكن يؤدي لتساقط الشعر

Hair-Loss-tips-

علاج تساقط الشعر بطرق طبيعية:

  • مساج الزيت: دلكي فروة راسك بزيت مناسب. التدليك هيزود وصول الدم لفروة الراس. ممكن تستخمي زيت جوز الهند او زيت الزتون او اي زيت تاني. مكن كمان تزودي علي الزيت الاساسي زيت روزماري, هيديكي نتيجة افضل.
  • الحلبة: تحتوي بذرة الحلبة علي هرمونات بتساعد الشعر علي النمو. فيها كمان بروتين بيغذي الشعر. انقعي حبة حلبة في مياة طول الليل. الصبح, اطحني الحلبة لغاية اما تبقي زي العجينة في ايدك. حتيها علي شعرك وغطيه لمدة 40 دقيقة بعد كدة اغسليه. كرري الموضوع دي يوميا لمدة شهر.
  • عصير البصل: عصير البصل بيساعد في علاج تساقط الشعر علشان فيه عنصر الكبريت الي بيزود تدفق الدم للراس. كمانعصير البصل فيه مادة مضاده للبكتريا بتساعد تقليل عدوي الراس. حطي عصير البصل علي راسك لمدة 30 دقيقة, بعدين اغسلي راسك بالشامبو. كرري الموضوع ده لمدة مرتين او تلاتة في الشهر.
  • العرقسوس: العرقسوس بيساعد كمان علي علاج قشر الشعر. حطي معلقة عرقسوس خام غغلي معلقي لبن ومعلقة شاي سافرون. اخلطيهم كويس وحطي العجينة علي المنطقة الي فيها تساقط الشعر وسيبيها طول الليل. كرري الموضوع ده مرة اة مرتين في الاسبوع. شرب العرقسوس كمان تلات مرات يوميا بيساعد انه يقلل المشكلة ديه

حرقة المعدة في رمضان…أعمل إيه؟

Heartburn1

مع رمضان بتزيد الوجبات الدسمة والعزومات وبتصبح أعراض إرتجاع الأحماض لبعض الناس شبه يومية. الأعراض دي بتصيب نسبة كبيرة من الأشخاص من كل الأعمار في أي وقت من اليوم خاصة الحوامل. إرتجاع الأحماض في المريء تعتبر من المشاكل اللي بتصيب الجهاز الهضمي وبتؤثر علي العضلات الموجودة بين المريء والمعدة وبيحصل لما مكونات المعدة تتحرك للمريء. في بعض الأحيان بيكون بسبب فتق في الحجاب الحاجز. لكن عادة يمكن التحكم فيه عن طريق تغيير بعض العادات في الحياة اليومية ونظام الأكل.

فيه عوامل كتير بتساعد علي تحفيز إرتجاع الأحماض زي:

  1. الشيكولاتة.
  2. النعناع.
  3. الأكل المقلي.
  4. الأكلات الدسمة.
  5. القهوة.
  6. المشروبات الكحولية.
  7. السمنة (زيادة الوزن).
  8. الحمل.

أكتر حاجة مزعجة في إرتجاع الأحماض هي أعراضه:

  1. إحساس بحرقة في منطقة الصدر وبينتقل للرقبة والحنجرة وممكن يستمر لحوالي ساعتين وبيزيد مع الإنحناء أو الإستلقاء.
  2. طعم مر أو حمضي في الفم.
  3. صعوبة في البلع.
  4. ألم في منطقة الصدر.
  5. كحة جافة.
  6. إحتقان في الزور وبحة في الصوت.
  7. إرتجاع الأكل في الزور.
  8. إحساس بوجود كتلة في الزور.

**لاحظ إنه فيه إختلاف بين ألم الصدر بسبب إرتجاع الأحماض وألم الصدر بسبب مشاكل في القلب لأن ألم الصدر المرتبط بالقلب بيزيد مع الحركة والمجهود الجسماني لكن إرتجاع الأحماض غير مرتبط بالمجهود الجسماني.

تقدر تقلل وتتحكم في إرتجاع الأحماض بتغييرات بسيطة في إسلوب حياتك وأكلك:

  1. تجنب الأكل اللي بيتسبب في تهييج جدار المريء زي الليمون والفواكه والطماطم.
  2. حاول إنك تقلل حجم الوجبات وتكون آخر وجبة تكون 2 – 3 ساعات قبل النوم.
  3. حاول إنك تخسر بعض الوزن لأن ده هيساعد علي تقليل الضغط علي المعدة والحجاب الحاجز.
  4. استغل رمضان في إنك تبطل تدخين لأن التدخين من الأسباب الرئيسية لإرتجاع الأحماض.
  5. ارفع راسك عن مستوي الجسم والجاذبية هتقلل من إرتجاع الأحماض.

لو لاحظت إن الأعراض أصبحت شبه مزمنة, استشر الدكتور.

تقدر تختار دكتور من الرابط ده وتحجز أونلاين من خلال موقعنا أو اتصل بينا علي 16676

http://www.vezeeta.com/ar/Search?specialty=Hepatology

8 فوائد غير متوقعة للصوم!

imgs-for-gt-dates-ramadan-2014

لو عرفت فوايد الصوم هتحس بأهميته ومش بعيد تكرره أكتر من مرة في السنة!

  1. بيساعد علي خسارة الوزن. مع قلة عدد السعرات الحرارية المستهلكة في رمضان الجسم بيلجأ إلي حرق الدهون الموجودة في الجسم. أهم حاجة تلتزم بنفس نظام الأكل المعتاد وبلاش أكل الحلويات بشكل زيادة في وقت الإفطار.
  2. بيظبط معدل الحرق في الجسم. لو الحرق في جسمك في العادي مش مظبوط الصوم هيدي راحة للجهاز الهضمي بحيث يقدر يقوم بعملية الحرق بطريقة سليمة.
  3. بيحسن من إفراز هرمونات الجوع. في الأيام العادية الأكل بيكون كل 3 أو 4 ساعات والحقيقة إن الجسم مش بيلحق يحس بالجوع بجد. الصوم بيساعد الجسم علي تنشيط وإفراز هرمونات الجوع وبالإضافة إلي إنه وقت الأكل الجسم هيحس بالإمتلاء أسرع.
  4. بيساعد علي تنظيم الأكل. لكل الناس اللي بتعاني من الأكل بشراهة بدون حساب الصوم بيساعد علي التحكم في ده لأنه بيكون في وقت معين للأكل.
  5. بيمد الجسم بالطاقة. لأن عملية الأكل والهضم بتستهلك جزء كبير من طاقة الجسم فبدون عملية الهضم بيكون في الجسم طاقة أكبر.
  6. بيساعد علي تنقية الجلد. لأن مع قلة الأكل بتقل أي مواد دهنية أو غير صحية في الجسم وبتنشط عملية إعادة تكوين الخلايا في الجلد وبتتحسن وظائف الجسم المختلفة.
  7. بيقلل من الكولسترول الضار في الجسم. وبيساعد علي زيادة نسبة الكولسترول الجيد في الجسم بشرط إختيار الأكل الصحي والتركيز علي الأكل البيتي مع إضافة التمر والمكسرات في الإفطار والسحور.
  8. بيساعد علي التحكم في الإدمان. وده بيخلي شهر رمضان مناسب جدا لأي حد بيحاول التخلي عن أي إدمان زي التدخين لأنه بيقوي من قدرتك علي التحكم في النفس.

6 نصايح تقلل إحساسك بالعطش في رمضان!

thirst

العطش غالباً بيكون صعب وقت الصوم خاصةً في الحر. رغم إنه مستحيل تجنبه تماماً لكن ممكن تأخر إحساسك بالعطش وتتجنب أعراضه المتعبة.

  1. لازم تشرب ميه في ساعات الأكل لكن تجنب شرب كميات كبيرة من الميه مرة واحدة وقسمها علي ساعات الأكل.
  2. حاول إنك تشرب أنواع سوائل مختلفة زي العصير الطبيعي كمان إستغل وقت رمضان في إنك تشرب المشروبات الرمضانية المشهورة لكن احرص إن مايكونش فيها سكر.
  3. احذر من الأكل الحار والموالح الكتير لأنها هتزود إحساسك بالعطش بسرعة.
  4. خلّي بالك إن المنبهات زي القهوة والشاي وحتي المشروبات الغازية فيها كافيين وده بيساعد علي التخلص من الميه اللي في الجسم بشكل أسرع وده هيخليك تعطش في وقت قصير.
  5. كتّر من أكل الفاكهة والخضراوات لأنها فيها ميه كتير وألياف وإنت كده “بتضرب عصفورين بحجر” لأن الألياف بتساعد علي الإحساس بالشبع لفترة طويلة والميه اللي فيها بتساعد علي تقليل الإحساس بالعطش.
  6. حاول تقلل تعرضك للشمس ولو لازم تنزل في الشمس تجنب لبس الألوان السوداء لأنها بتمتص الحرارة.

4 أعراض تقدر تتجنبها في رمضان!

fasting tired

الصيام لساعات طويلة ممكن يسبب في أعراض مختلفة في الجسم.

  1. حرقة في المعدة. الصيام عادة ما بيقلل من كمية أحماض المعدة لكن مجرد التفكير في الأكل بيخلي المخ يبعت للمعدة إنها تفرز أحماض وده ممكن يؤدي لحدوث الحرقة في المعدة. لو بتاخد أي أدوية لعلاج عسر الهضم يفضل إنك تكمل تاخدها في رمضان مع وجبة السحور. تقدر تتحكم في إرتجاع الأحماض وحرقة المعدة بإنك تاكل بكميات معتدلة وتبعد عن الأكل المقلي والحار. تقليل الكافيين والتدخين هيساعد علي تقليل الأعراض.
  2. مرض السكر. لو انت بتاخد إنسولين بشكل مستمر مش مفضل إنك تصوم لأن مخاطر الموضوع ده كتير جدا. لكن لو السكر عندك تحت السيطرة تقدر تصوم لكن بعد استشارة الدكتور. خلي بالك من مستوي السكر عندك طول الوقت وتجنب إنخفاض مستوي السكر في الدم. لو حسيت بالدوخة أو التشويش أو العرق الزائد لازم تشرب مشروب فيه سكر أو تاكل حاجة فيها سكر.
  3. الصداع. بيحصل كتير جدا في الصيام بسبب الجفاف أو الجوع أو قلة النوم أو غياب الكافيين. تقدر تتحكم في الصداع عن طريق الحرص علي أكل وجبة السحور وشرب سوائل كافية وأخذ مسكنات الألم عند الإحتياج. تجنب أشعة الشمس المباشرة وإلبس طاقية في الشمس.
  4. الضغط. مع قلة الأكل والشرب وتغيير نظام اليوم وقلة ساعات النوم ممكن تتعرض للضغط. حاول تتخلص من مصادر التوتر قبل ما يتسبب في مشاكل. وقت الصيام ماتحاولش تشتغل أكتر من طاقتك ولا تلعب رياضة وإنت صايم في الشمس وابتعد عن التدخين وحاول تتحكم في غضبك.

سين وجيم عن الصيام في رمضان!

Middle Eastern Culture Men sit together.

كتير بيكون عندنا أسئلة عن صحتنا في رمضان ونعمل إيه في حالات معينة.

س: لو عندي السكر ينفع أصوم؟

ج: لو السكر عندك تحت السيطرة وبتاخد الأدوية اللازمة مع تنظيم الأكل ممكن تقدر تصوم لكن لازم تستشير الدكتور للتأكد. إذا كنت بتحتاج إنسولين لتنظيم السكر بشكل دائم مش هينفع تصوم.

س: أنا بيجيلي صداع نصفي لو مأكلتش لمدة طويلة. هل ده هيأثر في الصوم ؟

ج: لو عندك صداع نصفي مش عارف تتحكم فيه ماينفعش تصوم لأنه هيكون أسوأ مع الصوم لساعات طويلة. لكن لو نجحت في التحكم فيه بالأدوية وإسلوب حياة سليم تقدر تصوم. استشر الدكتور.

س: ينفع أصوم لو ضغطي عالي / منخفض؟

ج: لو ضغطك عالي لكنه تحت السيطرة ممكن تصوم لكن استشير الدكتور عشان يقدر يديك أدوية مناسبة. لو ضغطك منخفض لكن صحتك العامة كويسة تقدر تصوم لكن استشر الدكتور واحرص علي شرب سوائل كافية وتناول أملاح كافية.

س: هل الصوم والحمل ينفعوا مع بعض؟

ج: الصيام للحامل غير محبذ. لكن إذا كانت الحامل في صحة جيدة يمكن إنها تصوم لكن تحت إشراف الدكتور.

س: ينفع أستغل رمضان إني أبطل تدخين؟

ج: رمضان فرصة كويسة جداً إنك تبطل تدخين. إذا قدرت إنك تقضي وقت الصيام من غير تدخين هيكون ده حافز كويس إنك تكمل. إتكلم مع ناس تانية بتحاول تبطل تدخين عشان تشجعوا بعض كمان فيه بدائل كتير للنيكوتين ممكن تستخدمها.

س: إيه هو السن المناسب للصيام للأطفال؟

ج: السن المناسب للصيام عادة هو سن البلوغ لأن الصيام غير ضار. بعض الأهالي بيسمحوا إن الأطفال يصوموا قبل سن البلوغ حسب صحة الطفل العامة. لا ينصح إن الأطفال أصغر من 7 أو 8 سنوات بالصيام. يمكن إن الوالدين يشرحوا للأطفال الصيام ومعناه والهدف منه ويبدأ الأطفال في الصيام تدريجياً.

س: بنفع أصوم لو هيتعملي نقل دم ؟

ج: لأ. طبياً لا ينصح بالصوم في يوم نقل الدم.

س: هل ينفع أصوم لو باخد علاج بشكل مستمر؟

ج: لو وقت العلاج خلال ساعات الصيام ماينفعش تصوم. استشر الدكتور لو فيه حلول أو بدائل بحيث تاخد العلاج في غير ساعات الصيام. لكن لو المرض مش تحت السيطرة أو غير مستقر ماتصومش من غير استشارة الدكتور.

س: في حالة الرضاعة الطبيعية ينفع أصوم؟

ج: لأ.

س: هل ممكن أصاب بالجفاف الشديد بحيث ماقدرش أكمل الصوم؟

ج: نعم. لو ماشربتش سوائل كافية قبل الصيام ممكن تصاب بجفاف شديد. أعراض الجفاف ممكن تكون أسوأ بسبب الجو أو القيام بأنشطة فيها مجهود زي المشي. لو حصل إنه ماكانش فيه بول أو شعرت إنك مشوش أو حصل إغماء لازم تكسر الصوم علي الفور.

س: هل الصوم بيتعارض مع غسيل الكلي؟

ج: لأ. ماينفعش الصوم لمرضي الكلي اللي بيقوموا بعمل غسيل كلي لأن ده خطر علي صحتهم.

11 نصيحة لتجهيز إبنك لموسم الإمتحانات

موسم الإمتحانات بيمثل حالة طواريء وإستعداد قصوي في كل البيوت المصرية والتوتر بيزداد في الفترة ديه وبتزيد عدد ساعات المذاكرة وتقل ساعات النوم. يجب علي الأهالي إنهم يتأكدوا إن مخ الطلبة مستعد لإستقبال كم كبير من المعلومات وقادر علي حفظها وتذكرها وقت الإمتحان.

1. تأكد إن إبنك بيذاكر في جو هاديء خالي من أي تشويش.

2. شجع ابنك إنه يذاكر بالكتابة لأن ده بيساعد علي تثبيت المعلومات أكتر.

3. تجنب الضغط علي ابنك أو فرض إسلوب مذاكرة معين عليه واكتفي بالمتابعة والنصائح.

الأكل ليه دور كبير في تغذية المخ وتحفيز الجسم علي التركيز أكتر.

4. تأكد إن ابنك بيبدأ يومه بوجبة فطار متكاملة تساعده علي التركيز وتمده بالطاقة.

5. حاول تقدمله وجبات صغيرة علي مدار اليوم بدل 3 وجبات ثقيلة لأنها ممكن تخليه يشعر بالنعس.

6. احرص علي تقديم البروتينات لأنها مهمة فهي بتمد الجسم بالطاقة بشكل مستمر علي مدار وقت أطول.

7. احرص إنه يشرب سوائل كافية لتجنب الجفاف لأن الجفاف بيتسبب في الإحساس بالتعب والصداع وقلة الطاقة. السوائل ممكن تكون من المياه أو العصير أو الفواكه وغيرها وابتعد عن الكافيين لأنه بينبه الجسم وممكن يسبب صعوبة في النوم.

8. تجنب السكريات والوجبات السريعة لأنها بتتسبب في ارتفاع سريع في سكر الدم يتبعه انخفاض في مستوي السكر في فترة قصيرة.

9. ساعده علي مقاومة التوتر عن طريق الفيتامينات وديه بتكون موجودة في الأرز البني والبيض والمكسرات والخضراوات والفواكه.

10. احرص علي وجود مضادات الأكسدة في الأكل لأنها بتساعد علي زيادة كفاءة المخ وتقوية المناعة وديه بتكون موجودة في البيض والسمك والخضراوات الخضراء الداكنة والفواكه.

11. تجنب الوجبات السريعة لأن في وقت الإمتحانات بيزيد التوتر وبتقل مناعة الجسم وبيكون أكتر عرضة لأي عدوي أو أمراض.

تابع

احصل على كل تدوينة جديدة تم توصيلها إلى علبة الوارد لديك.